Qeveria e Kosovës sot do ta mbajë mbledhjen e saj të radhës.

Mbledhja pritet të nisë nga ora 10:00, shkruan gazeta online Reporteri.net.

Në rend të ditës në mbledhjen e sotme janë gjithsej 14 pika. Në mbledhjen e sotme pritet të bëhet shqyrtimi i propozim-vendimit për dhënien e mendimit lidhur me Nismën Legjislative të Kuvendit për “Projektligjin për ndryshimin dhe plotësimin e Ligjit për Prokurorinë Speciale” (ZKM).

Po ashtu sot pritet të bëhet shqyrtimi i Projekt-rregullores për Performancë Rajonale dhe Monitorim të Zhvillimit Socio Ekonomik Rajonal të Balancuar, shqyrtimi i Propozim-vendimit për ndryshimin dhe plotësimin e Vendimit të Qeverisë Nr. 02/128 të datës 16 shkurt 2023, lidhur me “Komisionin për Përfitimin e Shtesës për Kushte Specifike të Punës”, shqyrtimi i Propozim-vendimit për ndarjen e mjeteve buxhetore për zbatimin e Masës 22- Mbështetje bizneseve për qasje në financa të Pakos së Ringjalljes Ekonomike,.

Në mbledhjen e sotme të ekzekutivit po ashtu do të bëhet shqyrtimi i Draftit të Raportit nëntë (9) mujor Financiar të Buxhetit të Republikës së Kosovës për vitin 2024.

Kjo është mbledhje e 230-të e Qeverisë së Kosovës/Reporteri.net/

Rendi i plotë i ditës: