×
  • Lajme
  • Lajme

    Mbrëmë tha se fotografia ishte montazhë, sot Besnik Berisha e pranon se e ka takuar prokurorin

    Reporteri
    18 Mars 2021 | 18:02

    Besnik Berisha, avokat i Shaban Gogajt i cili është akuzuar për vrasjen e Agonis Tetajt mbrëmë pas publikimit të një fotografie të tij duke pirë kafe me prokurorin e këtij rasti, Agron Uka tha se kjo ishte montazhë.


    Por sot ai tha se është takaur rastësisht me prokurorin e rastin dhe është përshëndetur, por sipas tij nuk kanë biseduar lidhur me rastin e vrasjes së Agonis Tetajt.

    “Ai është një prej prokurorëve të prokurorisë themelore në Gjilan. Lidhja ime me prokurorin e ratsit është e njëjta me krejt prokurorët e tjerë. Unë kam thënë dhe e përsërisë, prokurorët e dinë cka bën Besniku në gjykatë. Për këtë rast me asnjë prokuror rast nuk kam pirë kafe. Unë sipas kësaj logjike duhet të izolohem dhe të mos përshëndes asnjeri”, tha Berisha në Frontal në T7.

    Ai tha se kur është bërë fotoja ai ka qenë duke drekuar me dikë tjetër dhe se vëtëm është përshëndetur me prokurorin.

    “Kam shkuar me dikë tjetër për të drekuar. I kam përshëndetur. Edhe sot mi pa i përshëndes. U në nuk kam nejt vec me prokurorin. E mohoj që për këtë rast për tërë jetën. Unë nuk kam arsye me thënë se nuk rri. Nuk ka prokuror që ulet e han drekë e darkë e merr vendim pa pas mbështetje në prova. Sipas logjikës së izolimit i bie që në momentin që nis një rast në Kosovë ne duhet mu izolu.”, tha Berisha.

    Dy ditë më parë prokurori Agron Uka ka rikualifikuar veprën penale nga “vrasje e rëndë“ në “vrasje nga pakujdesia”.

    Familja ka publikuar videon me akuzat se ka pasur shtrembërim të së vërtetës.

    Publikimi i videos së vrasjes së një të riu në vendin e tij të punës e shokoi opinionin publik në Kosovë.

    Video e vrasjes së Agonis Tetjat në kompaninë “Gogaj AG” u bë publike nga prindi i të ndjerit pasi prokurori Agron Uka e lehtësoi veprën nga “vrasje e rëndë” në “vrasje nga pakujdesia”.

    Isuf Tetaj përmes një shkrimi publik drejtuar kryeprokurorit të shtetit, mediave dhe ambasadave ka shprehur pakënaqësinë e tij me veprimin e prokurorit i cili e konsideroi nga pakujdesia vrasjen e birit të tij.Për vrasjen e Agonis Tetajt po akuzohet Shaban Gogaj.

    Sipas aktakuzës se Prokurorisë së Pejës, më 23 shtator të vitit 2018, në kompaninë “Gogaj AG”, Shaban Gogaj merr një telefonatë nga një person tjetër dhe me të përfunduar bisedën, e ndërron karrigen dhe nga sirtari nxjerr revolen e tij të tipit “Beretta”.

    Aktakuza përshkruan se pas nxjerrjes së revoles Shaban Gogaj e vendos karikatorin dhe e merr në shenjë të ndjerin Agonis Tetaj në kokë dhe e qëllon duke e lënë të vrarë. Pasi kjo aktakuzë u ndryshua nga prokurori Agron Uka duke e cilësuar këtë vrasje si nga pakujdesia i akuzuari Gogaj e pranoi fajësinë.

    E pas pranimit të fajësisë, avokati Besnik Berisha deklaroi se kualifikimi i ri i prokurorit e reflekton të vërtetën që ka ndodhur në ditën kritike

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!