Televizion privat kosovar, “Tribuna Channel” i cili ishte hapur në fillimin e vitit 2015, është mbyllur.

Tash e disa ditë ky televizion nuk po transmeton më përmbajtje.

Si në platformat tokësore, ashtu edhe në ato satelitore, sinjali i “Tribuna Channel”-it është i vdekur.

Madje, edhe portali simotër i këtij televizioni, “Gazeta Tribuna”, ka ndërprerë botimin e lajmeve që dy ditë.

Prej vitesh, kjo kompani është përballur me probleme financiare dhe me largime të vazhdueshme të punonjësve, një numri të madh të të cilëve është raportuar se ende i ka borxh dhjetëra mijëra euro gjithsej.

“Tribuna Media Group” udhëhiqej nga Sejdi Demiri dhe bashkëshortja e tij, Besiana Hoti-Demiri, e cila njëherësh është e bija e nënkryetarit të Partisë Demokratike të Kosovës, Rexhep Hoti.