Në nder dhe respekt të ardhjes së bashkatdhetarëve në vendin tonë janë duke u organizuar një sërë aktivitetesh.

Edhe Komuna e Skenderajt ka menduar për këtë pjesë, teksa sonte është shtruar edhe sofra tradicionale në shesh të qytetit që, fare pranë shtatores së Adem Jasharit.

E rreth sofrës është edhe kryetari i komunës, Bekim Jashari, i cili në llogarinë Facebook ka shkruar:

“Pikërisht para shtatores së kryekomandantit Adem Jashari, që na mundësoi me sakrificën e tij të mblidhemi, të këndojmë e të festojmë në Sofrën tradicionale dhe këto ditë kur Skenderaj është mbushur plot jetë e gjallëri nga ardhja e bashkatdhetarëve tanë.
Kemi marrë për obligim dhe detyrë që me gjithë këto aktivitete pushimin në vendlindje t’ua bëjmë të këndshëm e të paharruar.
Faleminderit që po na jepni mundësinë të festojmë me ju!”.