×
  • Lajme
  • Lajme

    Mediat e Vuçiqit bëjnë thirrje për vrasjen e saj, Rada Trajkoviq kërkon mbrojtje

    Reporteri
    18 Prill 2019 | 9:50

    Deklaratat e vazhdueshme në përkrahje të shqiptarëve dhe dënimi i krimeve serbe në Kosovë, ka bërë që ish- deputetja e Kuvendit të Kosovës, Rada Trajkoviq të jetë në qendër të kritikave nga bashkëkombësit e saj serbë.


    Së fundmi ajo ka lënë të kuptohet se ndjehet e frikësuar për jetën e saj. Këto komente nga Trajkoviq kanë ardhur pas një shkrimi në taobloidin serb “Alo.rs”, transmeton Reporteri.net.

    Trajkoviq ka thënë se kjo është një thirrje për vrasjen e saj nga mediat e Vuçiqit. 

    Në llogarinë e Twitterit të gazetës  serbe Alo për Rada Trajkoviqin është shkruar: “Kjo grua u bë bashkëpunëtore e shqiptarëve dhe komplotoi për vrasjen e Oliver Ivanoviqit”.

    Ndryshe Rada Trajkoviq kishte thënë se  Ivanoviq e dinte se ai do të vritej dhe se për këtë e informoiedhe Presidentin serb Aleksandar Vuçiq dhe Agjencinë e Informacionit të Sigurisë, por nuk mori asnjë mbështetje.

    Kujtojmë, Oliver Ivanoviq u vra më 16 janar 2018 në veri të Mitrovicës. /Reporteri.net

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!