Një tanke e ushtrisë serbe është parë të transportohet paraditen e së enjtes nëpërmjet Preshevës, komunë kjo e Serbisë e banuar kryesisht me shqiptarë.
Mediat lokale raportojnë se transportimi i tankut i cila është bërë duke kaluar nëpërmjet qendrës së Preshevës, ka vazhduar në drejtim të Muçibabës dhe Gollakut, pjesë këto në zonën kufitare Serbi – Kosovë, shkruan Reporteri.net.
Tanku serb i cili po transportohej në drejtim të kufirit me Kosovën, ishte i përcjellë nga policia e shtetit dhe policia ushtarake, shkruajnë mediat në Preshevë.
Reporteri.net ka siguruar edhe një video të një tankeje në Preshevë.