Kryetari i PDK-së, Memli Krasniqi, ka bërë të ditur se sot ka pritur në zyrën e Grupit Parlamentar të PDK-së, ambasadorin e SHBA-së në Kosovë, Jeffrey Hovenier.

Krasniqi tha se me ambasadorin  Hovenier, kanë diskutuar për zhvillimet e fundit politike në vend, konkretisht për kërkesën e PDK-së për zgjedhje të parakohshme në vend.

“Ambasadorin Hovenier e njoftova me qëndrimet e PDK-së rreth këtyre zhvillimeve dhe me arsyet e kërkesës tonë për zgjedhje të parakohshme. Ne besojmë se vendi është në stagnim të plotë dhe ata që po e pësojnë më së shumti janë qytetarët tanë”, ka shkruar Krasniqi.

Ambasadori Hovenier gjatë ditës është takuar edhe me presidenten Osmani në takimin e përjavshëm. /Reporteri.net/