Presidentja e Kosovës, Vjosa Osmani ka nxjerrë vendim, me të cilin e ka kthyer në Kuvend, Ligjin për Këshillin e Sigurisë së Republikës së Kosovës, i cili është miratuar më 31 tetor 2024.

Lidhur me këtë ka reaguar Drejtori i Institutit të Kosovës për Drejtësi Ehat Miftaraj nga Ai ka përgëzuar presidenten për këtë hap.

“Pas Gjykatës Kushtetuese dhe Komisionit te Venecias, edhe Presidentja e republikes, i tregon qeverise dhe Kuvendit nuk dine te hartojnë ligje dhe politika ne pajtim me Kushtetutën.”

“Well done Presidente!”, ka shkruar Miftaraj, pas vendimit të presidentet për kthimin e ligjit në fjalë mbrapa në rishqyrtim.

Presidentja e Kosovës, Vjosa Osmani, ka marrë vendim që ta kthejë në Kuvend, Ligjin për Këshillin e Sigurisë së Republikës së Kosovës dhe dhe Ligjin për mbrojtjen e konsumatorit. Këtë e ka konfirmuar vetë Presidenca e Kosovës përmes një njoftimi për media.

Në njoftim bëhet e ditur se bazuar në kompetencat e saj kushtetuese, Presidentja Osmani ka përdorur të drejtën e vetos, duke kthyer dy ligje për rishqyrtim në Kuvendin e Kosovës.

Ligji për Këshillin e Sigurisë është kthyer për shkak se me përmbajtjen aktuale e rrezikon sigurinë kombëtare dhe është në kundërshtim me Kushtetutën, sipas njoftimit.

Osmani ia kthen mbrapa dy ligje Kuvendit, Presidenca publikon vendimet e plota