Milazim Krasniqi, ish-themelues i LDK-së ka thënë se Ibrahim Rugova ka pasur vlerësim negativ për Ushtrinë Çlirimtare të Kosovës (UÇK).

“Vlerësimi negativ për UÇK-në, ka qenë anit-historik, absolutisht vlerësim negativ ka pas, ka pas edhe hidhnim personal pas luftës”, ka thënë Krasniqi në Dukagjin.

Krasniqi më tej ka treguar si në një moment Rugova nuk i ka dëgjuar as amerikanët.

“Rugova nuk ka parnuar kërkesën e amerikanëve për të kaluar krizën pas luftës duke refuzuar që të bashkëpunoj me krahun e luftës. Nuk i ka dëgjuar as amerikanët duke i thënë se ‘ka ardhë koha me ba edhe na pak politikë vet’”, ka thënë Krasniqi.

Ai ka pohuar se nga LDK është larguar pasi UÇK-në e sheh si histori dhe jo si politikë, çka thotë se nuk është pajtuar me Rugovën.

Krasniqi ka deklaruar se pasluftës më nuk ka komunikuar me Rugovën. /Reporteri.net/.