Presidenti i Malit të Zi Milo Gjukanoviq, nuk përjashton rrezik për Malin e Zi kur bëhet fjalë për korrigjimin e mundshëm të kufijve me Kosovës dhe Serbisë, transmeton Reporteri.net

“Kur flitet  për vendosjen e kufijve ndërmjet Kosovës dhe Serbisë, normalisht që kjo punë përbën edhe një rrezik të vogël për Malin e Zi”, është shprehur Gjukanoviq.

Në lidhje me këtë çështje Gjukanoviq në një intervistë të mbrëmshme ka thënë se nuk dëshiron të krijojë paranoja në mesin e qytetarëve malazezë.

“A jemi Mali i Zi, i cili në vitet e 90-ta ruajti paqen, atëherë kur paqja nuk ishte askund?”, pyeti ai duke thënë se, është optimist, se Mali i Zi ka një politikë të qëndrueshme shtetërore, një vizion të qartë dhe se ka guximin t’i rezistojë problemeve që do të “bashkohen” në rrugën e arritjes së këtij vizioni./Reporteri.net