Ministri i Arsimit, Shyqiri Bytyqi ka njoftuar se gjatë ditës së sotme ka zhvilluar një takim me Këshillin iniciator të aktorëve të Kosovës, të kryesuar nga aktori  Enver Petrocvi.

Bytyqi ka thënë se në këtë takim është diskutuar për idenë e nxjerrjes së një Udhëzimi Administrativ i cili do të bënte obligativ bashkëpunimin e shkollave me teatër, duke i obliguar ato që të paktën dy herë në vit fëmijët nga klasa e parë deri në klasën e dymbëdhjetë t’i dërgojnë në teatër, shkruan Reporteri.net.

Sipas tij kjo iniciativë ka për qëllim që përmes të shkuarit në teatër, të ndërrohet qasja e fëmijëve, në kohën kur është krijuar një lidhje e madhe në mes të fëmijëve dhe pajisjeve teknologjike dhe është rritur numri i dukurive negative në shkolla.

Postimi i plotë i ministrit Bytyqi:

Me kenaqësi prita sot në takim Këshillin iniciator të aktorëve të Kosovës, të kryesuar nga aktori i mirënjohur z. Enver Petrocvi, me të cilët diskutuam për idenë e nxjerrjes së një Udhëzimi Administrativ i cili do të bënte obligativ bashkëpunimin e shkollave me teatër, duke i obliguar ato që të paktën dy herë në vit fëmijët nga klasa e parë deri në klasën e dymbëdhjetë ti dërgojnë në teatër.