Ministri në detyrë i Tregtisë, Endrit Shala i ka komentuar pamjet ku ai shihet duke e sulmuar një gazetar të mediumit informativ, “Indeks-Online”. Duket sikur ai po sheh dicka tjetër.

Sikur në deklaratën e tij të mëhershme, Shala për “Zëri.info” mohoi edhe se e ka sulmuar fizikisht gazetarin, por që sipas tij kanë pasur vetëm një konflikt verbal me të.

“A tu duk nga pamjet që e kam sulmuar?, sepse nuk e kam bërë. Unë nuk e kam ditur pozitën e gazetarit, sepse siç shihet në pamje ai nuk ka pasur as bexh”, ka thënë Shala.

Në bazë të pamjeve shihet që Shala e sulmon gazetarin dhe pas përpjekjeve për t’i ndalë, ai sërish i versulet. Habitëse është mos reagimi i policëve prezent. Të dy ata janë duke u hëtuar nga inspektorati policor.