Ministri i Financave dhe Transfereve, Hekuran Murati ka njoftuar se ka arritur në rreth 7 milionë euro investimi në Bonot e Diasporës.

Ai tha se mërgata po preferon investimin më afatgjatë në vend, pasi që mbi 80% e shumës së investuar është në Bonot 5-vjeçare.

“Interesimi për të investuar në Bonot e Diasporës tashmë ka arritur në rreth 7 milionë euro”, u shpreh ministri Murati.

“Megjithëse kemi ofruar dy afatizime, mërgata jonë duket se preferon investimin më afatgjatë në vend, sepse mbi 80% e shumës së investuar është në Bonot 5-vjeçare. Mërgata për Kosovën“, shkroi ai në Facebook.