Ministri i Drejtësisë, Selim Selimi, ka takuar sot Kryeprokurorin e shtetit Aleksander Lumezi, kanë biseduar për bashkëpunim për avancimin e sistemit të drejtësisë dhe bashkërëndim për fuqizimin e sundimit të ligjit.

Ministri Selimi i ka dhuruar një top basketbolli kryeprokurorit Lumezi pasi ky i fundit ka qenë basketbollist, shkruan Reporteri.net.

Postimi i ministrit Selimi:

Pasi që ka qenë basketbollist, Kryeprokurorit Aleksander Lumezit, si simbolikë të parimit dhe motos “politika duart larg nga drejtësia”, gjatë vizitës sime në Prokurorinë e Shtetit, i dhurova një top basketbolli, duke theksuar se topi është në fushën e institucioneve të sundimit të ligjit.

Në takim shprehëm vullnetin e dyanshëm për bashkëpunim për avancimin e sistemit të drejtësisë dhe bashkërëndim për fuqizimin e sundimit të ligjit.

E sigurova, Kryeprokurorin se do të jem zëri i tyre në Qeveri dhe Kuvendin e Kosovës, veçanërisht për buxhetin dhe çështjet që lidhen me krijimin e kushteve për funksionim efektiv e të pavarur të Prokurorisë së Shtetit, si pjesë e sistemit të drejtësisë.

https://www.facebook.com/selimselimiks/posts/124518189282634?__xts__%5B0%5D=68.ARCuuOyh5Yl36J6rdA2d5afKuEI2CFJy167w8hV7C_JpV7P2xSjIOGwU-ghvcA0G1o-Vfv_MTYt1O3qh4QqWvA5tKZzv3yzlea-rhBVMlx5ehrlYKDs3MRErh9C6PLzI6RoW3k-nritCwYE1zOC9yHZwQeKX39hwrMz0SPYbhdOHYDmgnuPMzFIhrJlTXlfxKX96abRiRBCOCb2bl4FcAqaIjGxkrKQwFHt9Hsm8ynJwR0jYLfmFLgkpLKUatMuycSWv6cMw7YWvYAKHLRxVNXAZoqjKri7zAq5Jqt1MXu2AVpXezu_Sm_HzsielnUro5VDKvMsqRonQDI1x1kOJZGA&__tn__=-R