Ministri i Drejtësisë, në një paraqitje të jashtëzakonshme para mediave, nga aeroporti i Prishtinës, ka konfirmuar se sonte janë sjellë në Kosovë, disa persona nga Siria.
“Operacioni i planifikuar për kthimin e disa qytetarëve tanë nga Siria, mund të them se ka përfunduar me sukses. Dhe për çdo detaj tjetër do ta merrni nesër në një konferencë në ora 10:00”, ka thënë Abelard Tahiri, shkruan Reporteri.net, në këtë paraqitje rreth orës 01:20 të mesnatës në afërsi të aeroportit të Prishtinës.
“Mund të konfirmojë vetëm se ky operacion tashmë ka përfunduar”, ka shtuar Ministri i Drejtësisë.
Kjo ka mobilizuar të premten në mbrëmje Policinë e Kosovës të cilët kanë blinduar Aeroportin e Prishtinës me njësi speciale. /Reporteri.net/.
Ekskluzive: Kthehen në Kosovë disa gra dhe fëmijë të xhihadistëve të vrarë në Siri