Ministri i Shëndetësisë, Armend Zemaj sot do t’u raportojë deputetëve anëtarë të Komisionit për Shëndetësi dhe Mirëqenie Sociale, lidhur me menaxhimin e situatës me koronavirus.

Mbledhja e këtij komisioni do të mbahet në orën 10:00 në Kuvendin e Kosovës.

Pas lehtësimit të masave nga Qeveria Kurti, ditët e fundit ka pasur rritje të rasteve me COVID-19 në vend.

Mbrëmë u konfirmuan edhe 83 raste të reja, duke quar në 1 mijë e 916 numrin total të të prekurve.

Ministria e Shëndetësisë vazhdimisht ka kërkuar nga qytetarët t’u përmbahen rregullave, të mbajnë distancën, higjienën, dhe maskat.

Instituti Kombëtar i Shëndetësisë Publike të Kosovës ka rekomanduar Shërbimin Spitalor të përgjysmojë të gjitha shërbimet dhe të ndalojë rreptësishtë hyrjen e përcjellësve në reparte, shërbime specialistike dhe klinika.