Ministria e Arsimit, Shkencës, Teknologjisë dhe Inovacionit ka marrë vendim për vazhdimin e ndërprerjes së procesit mësimor-edukativ deri në një vendim tjetër për shkak të pandemisë.

Qeveria e Kosovës mori këtë vendim gjatë ditës së djeshme, të cilin thonë se po e marrin si masë të domosdoshme.

Ndërprerja e procesit edukativo-mësimor vlen për të gjitha nivelet, nga institucionet parashkollore e deri te institucionet e arsimit të lartë në sektorin publik dhe atë privat.

MASHTI u bën thirrje nxënësve, prindërve dhe mësimdhënësve, që të vazhdojnë ndjekjen dhe zbatimin e mësimit në distancë.