Federata Sindikale e Mjekëve të Kosovës ka paralajmëruar kandidatin për Kryeministër, Albin Kurti, se janë të pakënaqur me idenë e tij rreth mjekëve që punojnë në të dy sektorët, privat dhe publik, duke thënë se ai nuk duhet t’i kalojë limitet dhe se kjo mund t’i shkaktojë telashe vet atij.
Xhemajl Selmani nga Federata Sindikale e Mjekëve të Kosovës ka thënë për Radio Kosovës se mjekët e kanë të rregulluar me ligj të punojnë në të dy sektorët, sipas vendimit që ishte marrë nga Gjykata Kushtetuese e Kosovës në vitin 2013.
“Unë konsideroj që ne ia kemi bërë me dije kryeministrit në ardhje se ku janë limitet, dhe se ato limite nuk duhet t’i shkelë jo vetëm ai por secili që vjen edhe pas tij. Ai mund t’i shkaktojë telashe vetvetes por edhe neve edhe popullatës”, tha ai.
Doktor Selmani ka një këshillë për kryeministrin në ardhje, Albin Kurti.
“Për tetë orëshin e punës, të cilit i përgjigjët sektori publik, ta kontrollojë që të mos mund të punojë tjetër kund. Se çka bën mjeku mbas orarit të punës, është çështje individuale dhe e drejta për punë futet në Konventën për Të Drejtën e Njeriut”, potencoi ai.
Kujtojmë se Kurti ditë më parë ka thënë se nëse ai bëhet Kryeministër, do t’ua ndalojë mjekëve punën në dy sektorë, dhe se ata duhet të zgjedhin vetëm njërin.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.