Ministria e Kulturës, Rinisë dhe Sporteve ka dhënë tender në vlerë prej 1 mijë e 900 euro për blerjen e peletit për nevoja të Rezidencës së Presidentit Historik, Ibrahim Rugovës.

Në njoftimin e publikuar në platformën e-Prokurimi, figuron se me këto para parashihet furnizimi me 10 tonë pelet. Kohëzgjatja e kontratës është për një muaj, shkruan Reporteri.net.

“Përmes kësaj kontrate do të bëhet furnizimi me lëndë djegëse – pelet për nevojat e Rezidencës Dr. Ibrahim Rugova e cila posedon ngrohje me lëndë djegëse – pelet”, thuhet në njoftim.

Kompania që është shpërblyer me kontratë është “NTSH Diari”.

Kontrata është nënshkruar para tri ditësh. Vlera e parashikuar e kësaj kontrate është 3 mijë e 500 euro./Reporteri.net