Kryetari i PSD-së, Dardan Molliqaj ka deklaruar se politika e kryeministrit Albin Kurti i ka shkuar për shtati Serbisë.

Në emisionin “Spotlight”, prodhim i gazetës online Reporteri.net ka thënë se është i bindur që Kurti nuk është njeri i Serbisë, por politika e tij ka shkuar në favor të saj.

“Më kujtohet në vitet e 90-ta, krejt ata që kanë qenë kundër Ibrahim Rugovën, i kanë thënë se je me Serbi. Populli nuk i ka besuar. Ndoshta politika e Ibrahim Rugovës i ka shkuar për shtati Serbisë. Unë jam i bindur se politika e Albin Kurtit i ka shkuar për shtati Serbisë. Por, nuk jam i bindur që Albin Kurti e ka bërë për t’i shkuar për shtati Serbisë. Albin Kurti ka menduar se po e bënë për Kosovës, ashtu siç e sheh, ai duke qenë ai baba. “, tha Molliqaj.

Por, ai tha se Albin Kurti nuk është njeri I Serbisë, por me veprimet e tij po e largon SHBA-në nga Kosova dhe po e ofron nga Serbia.