Tashmë janë bërë publike pamjet e kamerave të sigurisë, ku zbardhin momentin tronditës të shembjes së objektit në Jabllanicë, ku si pasojë humbën jetën tre të mitur.

Në pamjet e publikuara nga Nacionale, ani se kamerat në distancë, arrihet goxha qartë të dëgjohet një zhurmë shembjeje duke nxjerrë dhe pluhurin më pas që shihet ta mbulonte zonën.

Shembja e këtij objekti sipas kohës që figuron në pamjet e sigurta, ndodhi në 16:35.

Një banor i fshatit ka bërë të ditur se trupat janë nxjerrë me një traktor, duke hequr pjesë-pjesë gjithçka që ishte shembur.

Rasti në polici ishte raportuar rreth orës 23:00.

Objekti i shembur kishte 25 vite që nuk funksiononte, dhe shumë vite më parë kishte qenë market.

Banori i fshatit, personi që edhe kishte gjetur tre fëmijtë e vdekur, tha se fillimisht e kishin telefonuar prindërit e njërit prej viktimave dhe se kur kishin parë objektin e shembur, i kishin telefonuar ata, dhe kishin dëgjuar telefonat duke dridhur nën gërmadha.