Orari i qarkullimit në Prishtinë tashmë është zgjatur deri në orën 20:00, mirëpo ende po vazhdojnë kolonat nëpër rrugët e kryeqytetit, e njashtu edhe në Fushë Kosovë.

Intervali kur po ndodhin këto vonesa në të dyja qytetet është midis orës 16:00 dhe deri pas orës 18:00, kryesisht në kohën kur shumë qytetarë kthehen nga punët e tyre.

Më së shumti kolona ka nëpër rrugët magjistrale dhe në ato të kryeqytetit.

Edhe brenda Prishtinës konkretisht në rrugët kryesore ka ditë që bëhet tollovi e madhe dhe krijohen kolona shumë të gjata.

Edhe pse policia nganjëherë del në rrugët ku ka më shumë kolona për të kujdesur për trafikun, megjithatë kolonat mbesin.