Ish-zëvendëskryeministrja e Kosovës, Edita Tahiti, ka kritikuar deputetët për moskonstituimin e Kuvendit të Kosovës.
Ajo ka vlerësuar se një gjë e tillë nuk do të jetë mirë për Kosovën.
Në profilin e saj në “Facebook”, Tahiri ka treguar se çka do të thotë vota për këto dështime.
“Sovran me kushtetute, sovranitet plote gojen – u desht nderkombetaret te ndermjetesojne krijimin e institucioneve- bota do te thote nuk jane te pjekur per shtetzhvillim..”, ka shkruar Tahiri.
Deputetja, Mimoza Kusari-Lila ka thënë se beson që kryetari i VV-së, Albin Kurti do të marrë pjesë në takimin me partitë politike të thirrur nga presidentja Osmani.
Kusari-Lila tha se në takim do të diskutohet për konstituimin e Kuvendit.
Ajo ka insistuar se votimi i fshehtë për kryeparlamentarin do të sillte një rezultat tjetër.
“Po, kryeministri Kurti ka marrë ftesë dhe besoj se përgjigja është pozitive për pjesëmarrje në takim. Nënkuptohet që takimi ka të bëjë për konstituimin e kuvendit, ky proces këtu që po dështon dhe për hapat tutje”, tha Kusari-Lila.
Pjesëmarrjen në takim deri më tani e kanë konfirmuar liderët e partive që deri vonë kanë qenë në opozitë, derisa nga partia fituese, Lëvizja Vetëvendosje, ende s’janë përgjigjur nëse do t’i shkojnë Osmanit në takim.
Përgjigje nuk ka dhënë sot as kreu i VV-së, Albin Kurti. Kurti para gazetarëve nuk e ka thënë asnjë fjalë, i pyetur se a do të jetë prezent në takimin e së enjtes të thirrur nga presidentja Osmani. /Reporteri.net/
Deputetja e Lidhjes Demokratike të Kosovës, Hykmete Bajrami pas dështimit të 15-të për konstituimin e Kuvendit të Kosovës ka thënë se shpreson që partitë e tjera në takimin me presidenten Vjosa Osmani ta shqyrtojnë propozimin e kreut të LDK për qeveri tranzicionale.
“Nuk kemi propozim tjetër, jo që ne nuk kemi propozim tjetër, por siç duket situata politike në Kosovë nuk ka ndonjë alternativë tjetër për arsyen e thjeshtë që as LVV dhe koalicioni i tyre nuk i kanë votat. Ne e kemi pranuar me sinqeritet se as partitë e deridjeshme opozitare nuk i kanë numrat. Për të ecur përpara për ta zhbllokuar situatën kjo është alternativa të cilin ne e kemi vendosur mbi tavolinë. Shpresojmë se partitë politike të jenë prezentë në takimin e ftuar nga Presidentja dhe në qoftë se janë kundër propozimit tonë, besoj që janë ata që duhet të lëvizin.”, ka thënë ajo.
Bajrami ka thënë se i vjen keq që sërish sot dështoi seanca edhe këtë herë.
“Na vjen shumë keq që pa dashjen tonë jemi bërë aktorë të serialit më të padëshirueshëm politik në Kosovë”, tha ajo.
Bajrami akuzoi LVV-në për bllokim të procesit.
“Unë besoj se sikur ata të kishin pasur interes që ta zhbllokonin situatën do ta zhbllokonin qe një kohë. Ka pasur parti parlamentare që kanë thënë që nuk kanë vota për zonjën Haxhiu por kanë për kandidatët e tjerë. Të cilët mund t’i propozojnë . Ata janë shkaktari i bllokadës. Atyre u mungon dhe u ka munguar vullneti ndërkohë që për pjesëmarrje në takim duhet të flasin ata vetë.”, tha ajo.
Kryetari i PDK-së, Memli Krasniqi pas dështimit të seancës konstituive ka thënë se sot u pa skenari i njëjtë dhe këmbëngulja e VV-së për ta mbajtur këtë bllokadë, shkruan Reporteri.net.
Ai tha se vendi ka mbetur peng i Lëvizjes Vetëvendosje, që edhe pse siç tha ai kanë kërkuar të ndryshohet kandidati, një gjë e tillë s’po e bëjnë.
“Edhe sot pamë skenarin e njëjtë, këmbënguljen e njëjtë për të mbajtur këtë bllokadë. Institimin për këtë skemë kundërligjore, një qasje që është bërë e tepërt. Shpreh keqardhjen ku i gjithë vendi kanë mbetur peng i VV-së, e cila përkundër kërkesës së institimit për të ndërruar kandidatin, ata nuk po e bëjnë një gjë të tillë”, tha Krasniqi.
Ai foli edhe për takimin e thirrur nga Osmani, derisa shtoi se shpreson se të gjitha partitë do t’i përgjigjen pozitivisht
Deri tek takimi me Osmanin, Krasniqi tha se s’do të ndryshojë asgjë, por që do të shprehin siç tha ai përkushtimin qysh kanë bërë gjithmonë për të dalë nga kriza institucionale, që sipas tij VV-ja po e mban pa arsye bllokadën.
“Nuk ndryshon asgjë deri te takimi me Presidenten. Do të shprehim atë që kemi shprehur gjithmonë përkushtimin tonë për të dalë nga kjo krizë institucionale, nga kjo bllokadë që po na mban pa arsye VV-ja”, tha ai para gazetarëve.
/Reporteri.net/
Ka dështuar seanca e pesëmbëdhjetë për konstituimin e Kuvendit të Kosovës. Lëvizja Vetëvendosje edhe sot nuk arriti ta ndryshojë formën e votimit për zgjedhjen e Kryeparlamentarit.
Partitë tjera politike janë deklaruar kundër dhe nuk kanë propozuar anëtarë për Komision që do të mundësonte votimin e fshehtë në Kuvend.
Në sallë ishin të pranishëm, 115 deputetë. Për votuan 56 ndërsa një votoi kundër.
Seanca është shtyrë për të enjten, më 15 maj.
Kandidatja e VV-së për Kryetare Kuvendi vazhdon të mbetet Albulena Haxhiu. Në të gjitha votimet deri më tani ajo nuk ka arritur të marrë më shumë se 57 vota. Për t’u zgjedhur i nevojiten 61. /Reporteri.net/
Kreu i Nismës, Fatmir Limaj ka thënë se nuk ka marrë ftesë nga presidentja Osmani për takimin e thirrur me subjektet politike.
Limaj tha se qëndrimi i tyre në seancën e sotme konstituive nuk ka ndryshuar.
“E kemi thënë që në politikë duhet të bisedohet, duhen njerëz përgjegjës që kanë marrë detyra e përgjegjësi. E kanë për obligim që përtej unit të tyre dhe politikave primitive të mahallave të ulen dhe të bisedojnë.
Ne ende nuk kemi marrë ftesë nga presidentja. Qëndrimi ynë nuk ka ndryshuar, në Kosovë duhet të vijë deri te shumica parlamentare”, tha Limaj. /Reporteri.net/
Deputeti i PDK-së, Mërgim Lushtaku ka thënë se lidhur me konstituimin e Kuvendit deri tani s’ka asnjë ndryshim dhe se ka një kotësi nga mazhoranca, shkruan Reporteri.net.
Sipas tij kjo është një tallje me qytetarët.
Ai përmendi edhe ndërrimin e kandidatit për Kryetar të Kuvendit, ndërsa shtoi se në Kuvend janë bërë si çerdhe e fëmijëve.
“Po shohim se ka një kotësi nga mazhoranca e deritashme. Deri tashti s’ka asnjë ndryshim. Po shihet qartë se po dështon çdo herë. Pavarësisht sa i ka numrat ata s’janë të mjaftueshme. Me të vërtetë është kokëçarje dhe tallje me qytetarët. Pse kjo kokëfortësi nga një parti politike? Dhe ne si deputet pavarësisht bindjeve politike po ndihemi sikur të jemi në një çerdhe të fëmijëve. Sepse kokfortësia, egot e ndryshme s’po lejojnë që Kosova të ecë përpara dhe t’i formojë institucionet e veta”, tha ai para gazetarëve.
/Reporteri.net/
Deputeti i VV-së, Hekuran Murati para seancës konstituive është pyetur për ftesën e Presidentes Vjosa Osmani për takim me liderët e partive politike, shkruan Reporteri.net.
Ai tha se duhet parë çfarë ka vendosur grupi parlamentar dhe patjetër se do të shqyrtohet ftesa.
“Duhet me pa se çka ka vendos grupi parlamentar. Gjithsesi, do të shqyrtohet ftesa. Shihet se për çka është dhe pstaj besoj se do ju njoftojmë”, u shpreh Murati.
/Reporteri.net/
Deputeti Faton Peci, i cili është bashkëkryetar i partisë Guxo ka thënë se nuk kanë marrë ftesë nga presidentja Vjosa Osmani për takimin e thirrur për subjektet politike.
“S’kemi marrë ftesë, do të duhej me marrë ftesë sepse jemi subjekt politik i regjistruar në Komisionin Qendror Zgjedhor pavarësisht që s’kemi garuar vetëm. Kemi garuar bashkë me Lëvizjen Vetëvendosje”, tha shkurt ai para gazetarëve.
Pjesëmarrjen në takim deri më tani e kanë konfirmuar liderët e partive që deri vonë kanë qenë në opozitë, derisa nga partia fituese, Lëvizja Vetëvendosje, ende s’janë përgjigjur nëse do t’i shkojnë Osmanit në takim.
Përgjigje nuk ka dhënë sot as kreu i VV-së, Albin Kurti. Kurti para gazetarëve nuk e ka thënë asnjë fjalë, i pyetur se a do të jetë prezent në takimin e së enjtes të thirrur nga presidentja Osmani. /Reporteri.net/
Zëvëndëskryeministri në detyrë, Besnik Bislimi, para seancës konstituive është pyetur për takimin me Presidenten Vjosa Osmani.
I pyetur nëse do të jetë pjesëmarrëse VV-ja, Bislimi tha se atë e di Kurti
“Kryeministri e di…”, ishte përgjigjja e Bislimit.
Ndërkohë pjesëmarrjen në takim e kanë konfirmuar, Memli Krasniqi, Lumir Abdixhiku dhe Ramush Haradinaj.
/Reporteri.net
Deputetja nga ardhët e AAK-së Time Kadriaj foli dhe rreth ftesës të cilën ua bëri presidentja Vjosa Osmani partive politike. Kadrijaj tha çdo diskutim në këtë bllokadë, është i mirëseardhur për AAK-në.
Ndërsa pohoi se presin nga presidentja që të jap ndonjë alternativë, për daljen nga kjo bllokadë.
“Ne kemi pranuar çdo diskutim në këtë situatë dhe në këtë bllokadë është i mirëseardhur. Do të shohim si do të shkojë rrjedha e bisedimeve dhe të shohim se çfarë po propozon presidentja, të shohim dhe qendrimet e partive të tjera. Në fakt presidentja duhet të jap ndonjë alternativë, është presidente e vendit”, tha ajo.
Aleanca për Ardhmërinë e Kosovës (AAK) ka dorëzuar në Gjykatën Kushtetuese çështjen e formimit të komisionit për votim të fshehtë në seancën konstituive të Kuvendit të Kosovës. Kadriaj tha se kanë kërkuar nga Gjykata Kushtetuese që ta trajtojë me urgjencë.
“Kemi kërkuar të trajtohet me urgjencë, me prioritet. Nuk i caktojmë ne afatat e Gjykatës Kushtetuese se kur do t’i trajtojë. E kemi bërë kërkesën në gjykatë kushtetuese po presim”, tha ajo.
Përpos AAK-së, edhe PDK dhe LDK kanë konfirmuar pjesëmarrjen në takim, ndërsa nga VV-ja nuk kanë treguar se a do të marrin pjesë.
Presidentja e Kosovës, Vjosa Osmani, nga e enjta do të fillojë konsultimet me partitë politike në përpjekje për të gjetur një zgjidhje rreth konstituimit të Kuvendit.
Osmani pritet të fillojë një seri konsultimesh me liderët e partive rreth konstituimit të Kuvendit, që ka dështuar tash e një muaj. Në një takim synon t’i mbledh liderët e partive shqiptare, teksa në një takim tjetër ata të minoriteteve.
Pjesëmarrjen në takim deri më tani e kanë konfirmuar liderët e partive që deri vonë kanë qenë në opozitë, derisa nga partia fituese, Lëvizja Vetëvendosje, ende s’janë përgjigjur nëse do t’i shkojnë Osmanit në takim.
Përgjigje nuk ka dhënë sot as kreu i VV-së, Albin Kurti. Kurti para gazetarëve nuk e ka thënë asnjë fjalë, i pyetur se a do të jetë prezent në takimin e së enjtes të thirrur nga presidentja Osmani, shkruan gazeta online Reporteri.net.
Kurti u pyet nga gazetarët teksa po hynte në ndërtesën e Kuvendit, ku pas pak minutash do do të bëhet përpjekja e 15-të për konstituimin e Kuvendit të Kosovës.
Seanca konstituive, e ndërprerë të dielën do të vazhdojë në orën 10:00. Kjo do të jetë seanca e 15-të çdo 48 orë që nga 15 prilli, shkruan gazeta online Reporteri.net.
Në seancat e fundit, Lëvizja Vetëvendosje ka tentuar ta ndryshojë formën e votimit për zgjedhjen e Kryetarit të Kuvendit, në votim të fshehtë. Secilën herë kjo është kundërshtuar nga PDK, LDK, AAK dhe Lista Serbe, të cilat kanë refuzuar të propozojnë anëtarë Komisioni.
Nga VV-ja kanë thënë se nuk heqin dorë nga emri i Albulena Haxhiut, si e propozuar për këtë pozitë. Sinjale po ashtu nuk ka se do të hiqet dorë nga propozimi për ndryshimin e formës së votimit për zgjedhjen e Kryetarit të Kuvendit. E propozuara për këtë pozitë, Albulena Haxhiu, në asnjë nga votimet s’ka arritur të marrë mbi 57 vota. Për t’u zgjedhur i nevojiten 61.
Vetë Kurti, dy ditë më parë ka thënë se në Kosovë nuk ka krizë institucionale.
Sipas tij në Kosovë ka vetëm njëfarë vakumi kushtetues.
“Në Kosovë nuk kemi krizë institucionale dhe as politike. Në Kosovë kemi një far vakumi kushtetues, të cilin mbase nuk do të duhej ta kishim marrë vesh fare. Nuk kemi krizë sepse mekanizmat e shtetit demokratik funksionojnë, organet e rendit dhe të sigurisë veprojnë, ligjet respektohet e zbatohen anë e mban republikës sonë. Vetëm Kuvendi i ri për legjislaturën e nëntë ende nuk është konstituar, sepse Kushtetuta e Kosovës nuk e parasheh se çfarë duhet bërë kur propozimi për kryetar të Kuvendit nuk i merr 61 vota”, ka thënë Kurti të shtunën.
/Reporteri.net/
Sot do të bëhet përpjekja e 15-të për konstituimin e Kuvendit të Kosovës. Seanca konstituive, e ndërprerë të dielën do të vazhdojë në orën 10:00. Kjo do të jetë seanca e 15-të çdo 48 orë që nga 15 prilli, shkruan gazeta online Reporteri.net.
Në seancat e fundit, Lëvizja Vetëvendosje ka tentuar ta ndryshojë formën e votimit për zgjedhjen e Kryetarit të Kuvendit, në votim të fshehtë. Secilën herë kjo është kundërshtuar nga PDK, LDK, AAK dhe Lista Serbe, të cilat kanë refuzuar të propozojnë anëtarë Komisioni.
PDK dhe AAK i kanë kërkuar vazhdimisht VV-së që ta ndërrojë emrin, teksa janë përmendur edhe emra nga kjo parti që do të mund t’i votonin. LDK ndërkohë ka thënë se nuk do ta votojë asnjë propozim të kësaj partie.
Nga Lëvizja Vetëvendosje kanë bërë të ditur se nuk heqin dorë nga emri i Albulena Haxhiut, si e propozuar për këtë pozitë. Sinjale po ashtu nuk ka se do të hiqet dorë nga propozimi për ndryshimin e formës së votimit për zgjedhjen e Kryetarit të Kuvendit. E propozuara për këtë pozitë, Albulena Haxhiu, në asnjë nga votimet s’ka arritur të marrë mbi 57 vota. Për t’u zgjedhur i nevojiten 61.
Presidentja Vjosa Osmani do të tentojë të gjejë një zgjidhje me krerët e partive politike pas dështimeve të njëpasnjëshme për konstituim të Kuvendit. Nga e enjtja, ajo do të fillojë një seri konsultimesh me liderët e partive rreth konstituimit të Kuvendit, që ka dështuar tash e një muaj. Në një takim synon t’i mbledh liderët e partive shqiptare, teksa në një takim tjetër ata të minoriteteve. Pjesëmarrjen në takim e kanë konfirmuar liderët e partive që deri vonë kanë qenë në pozitë, derisa nga partia fituese, Lëvizja Vetëvendosje, ende s’janë përgjigjur nëse do t’i shkojnë Osmanit në takim.
Nevoja për krijim sa më të shpejtë të institucioneve është theksuar edhe në takimin e së hënës që ka pasur kryeministri në detyrë, Albin Kurti, me ambasadorët e QUINT’it. Në njoftimin e ZKM-së u tha se temë qendrore e takimit ka qenë procesi i anëtarësimit të Kosovës në Këshillin e Evropës, mirëpo ambasadorët deklaruan ndryshe.
Ambasadori britanik Jonathan Hargreaves përmes një deklarate në Facebook, tha se e ka inkurajuar Kurtin për formimin e qeverisë së re. Edhe Ambasada e Italisë në Kosovë njoftoi se në takim është theksuar nevoja për formimin sa më të shpejt të një qeverie të re, që Kosova të ecë përpara në rrugën euroatlanatike./Reporteri.net/
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
