Sot dhe nesër në Kosovë do të mbajë mot i mirë, i kthjellët dhe me shumë orë me diell.

Sipas Institutit Hidrometeorologjik të Kosovës, në vend këto dy ditë temperaturat minimale do të lëvizin ndërmjet 8-11 gradë Celsius, ndërsa maksimalet 23-28 gradë Celsius.

“Vendi ynë do të ndikohet nga masat e ajrit me presion të rritur atmosferik. Kjo situatë barike do të krijoj kushte për mot të mirë, të kthjellët dhe me shumë orë me diell. Temperaturat minimale do të lëvizin ndërmjet 8-11 gradë Celsius, ndërsa maksimalet e ditës parashihen të lëvizin ndërmjet 23-28 gradë Celsius”, thuhet në njoftimin e IHMK-së.

“Indeksi UV në këto dy ditë të ardhshme parashihet të jetë në vlera të larta, pasi që rrezet e diellit do të jenë prezent pothuaj gjatë gjithë ditës. Sa i përket kushteve agrometeorologjike dhe biometeorologjike, do të jenë të mira, falë aktivitetit të mirë të elementeve dhe dukurive meteorologjike që ishin prezent ditëve të fundit”, thuhet tutje në njoftim.