Nënkryetari i Aleancës për Ardhmërinë e Kosovës, Muharrem Nitaj, përmes një shkrimi në llogarinë e tij në Facebook, ka publikuar një fotografi të Daut Haradinajt, njëherit edhe gjenerali më i ri i luftës së fundit në Kosovë.

Por, në sfond shihet edhe një fotografi e presidentit të Federates Socialistet të Jugosllavisë, Josip Broz Tito.

Nitaj ka shkruar me ironi “Me gjeneralin më të ri të luftës së Kosovës dhe Marshall Tito në sfond”.

Nënkryetari i AAK’së gjithashtu ka sqaruar se kjo fotografi është shkrepur në një nga lokalet në Prishtinë, tashmë 20 vjet pas çlirimit të Kosovës.