Kryetari i Komunës së Pejës, njëkohësisht edhe nënkryetar i LDK’së, Gazmend Muhaxheri ka thënë se për arritjen e marrëveshjes së koalicionit, LDK duhet të ketë një nga postet reprezentative.

Ai në një intervistë në Rubikon ka thënë, LDK-ja duhet ta ketë kryetarin e Kuvendit deri në momentin kur LDK ta merr presidentin, që pastaj LVV’së do të ia kthente postin e kryeparlamentarit.

Muhaxheri ka thënë se nuk po kërkojnë shkarkimin e Konjufcës por ai mund të jap dorëheqje për të marrë ndonjë pozitë tjetër institucionale. Sipas tij nuk është ndonjë gjë e madhe nëse Konjufca jep dorëheqje, pasi me rastin e zgjedhjes së tij nuk është zgjedhur Papa, por një post politik.

Ai ka thënë se në këtë situatë vendin e ka sjellë LVV duke ndërmarrë veprime të njëanshme, dhe asaj i takon të gjej zgjidhje.

LDK sipas tij e ka votuar Konjufcën duke menduar se LVV ka gjetur partner tjetër, dhe jo me qëllimin se do të vazhdohej të kërkohej partneritet edhe më tutje te LDK.