Gazmend Muhaxheri, kryetar i Pejës ka thënë se ai ka qenë kundër vendosjes së taksës me Serbinë.

“Nëse zgjidhem në krye të LDK-së, do ta heqi taksën”, ka thënë Muhaxheri për TV Dukagjini, shkruan Reporteri.net.

Kujtojmë se taksa ndaj produkteve të Serbisë dhe Bosnje Hercegovinës është vendosur më datë 21 nëntor i vitit të kaluar.

Shtetet e Bashkuara i kanë bërë thirrje Kosovës që ta heqë këtë masë, duke thënë se ajo nuk përkon me interesat amerikane.

Por, Qeveria e Kosovës në krye me Haraidnajn, nuk është zmbrapsur nga vendimi për tarifën 100 për qind, i cili vazhdon të mbetet në fuqi.

Ka qenë pikërisht taksa që ka përplasur disa here Haradinajn me presidentin Thaçi, por edhe me kryeministrin shqiptar Edi Rama. /Reporteri.net/.