Kreu i LDK-së, Isa Mustafa, bashkë me Vjosa Osmanin, Agim Veliun e Lutfi Hazirin kanë arritur ne Kuvendin e Kosovës për t’u takuar me liderin e Vetëvendosjes, Albin Kurtin.

Ata po synojnë arritjen e një marrëveshje që do të rezultonte me krijimin e një koalicioni që do të drejtonte qeverinë e re të Kosovës.

Ndërkohë, edhe Albin Kurti, para pak minutash, është nisur nga selia e partisë së tij në drejtim të Kuvendit, shkruan Reporteri.net.

Ai, para gazetarëve, është shprehur optimist se do të arrijnë marrëveshje me LDK-në.

Krerët e dy partive që morën më së shumti përkrahje qytetare në zgjedhjet e fundit në Kosovë, janë takuar edhe dje, ku bashkë kanë biseduar për më shumë se tre orë, por që as atëherë nuk dolën me një marrëveshje përfundimtare. Madje, as nuk u deklaruan për media.