Pas vendimit të Gjykatës Kushtetuese për të shpallur si antikusthetues Delegacionin Shtetëror për dialogun me Serbinë, ka reaguar kryetari i LDK-së, Isa Mustafa i cili ka bërë akuza në drejtim të kryeministrit të Kosovës, Ramush Haradinaj, duke thënë se  Haradinaj, në mënyrë jokushtetuese, i kishte deleguar përgjegjësitë e tij për dialogun.

Sipas Mustafës në këtë rast janë bërë shkelje me përmasa gjeometrike të Kushtetutës së Kosovës, shkruan Reporteri.net.

Mustafa ndër të tjera ka kërkuar përgjegjësi nga Qeveria Haradinaj, duke potencuar se dy presidentët e Kosovës, e kishin bërë këtë duke u dorëhequr kur ishte konstatuar se kanë bërë  shkelje e Kushtetutës.

Postimi i plotë i Mustafës:

Të nderuar qytetarë
Gjykata Kushtetuese foli. Shpalli jokushtetues në tërësinë e tij Ligjin për dialogun. Shpalli jokushtetues Ekipin e Dialogut.
Ekipi, pa e pritur hyrjen në fuqi të Ligjit, i cili u kontestua nga LDK dhe VV, ushtroi veprime jokushtetuese në procesin e dialogut me para të Buxhetit. Kryeministri, në mënyrë jokushtetuese, i kishte deleguar përgjegjësitë e tij për dialogun.
Qeveria shkeli Kushtetutën duke e aprovuar Projektligjin me përmbajtje jokushtetuese të sponzorizuar nga PSD. Kuvendi shkeli Kushtetutën duke e miratuar një Ligj jokushtetues, të propozuar nga Qeveria.