Lidhja Demokratike e Kosovës ka bërë të ditur se gjatë ditës së sotme do të mblidhet Këshilli i Përgjithshëm ku do të flasin për koalicionin e mundshëm me Lëvizjen Vetëvendosje.

Ky njoftim i LDK-së nënkupton se gjatë ditës së sotme vështirë se mund të ketë ndonjë takim mes Albin Kurtit e Isa Mustafës, shkruan Reporteri.net.

Në këtë mbledhje do të diskutohet për ecurinë e bisedimeve me Lëvizjen Vetëvendosje për koalicionin e mundshëm pas zgjedhor, pas certifikimit të rezultateve të zgjedhjeve të parakohshme të 6 tetorit.

Kujtojmë se gjatë javës Isa Mustafa takoi kryetarët e Degëve dhe pasi përfundoi kjo mbledhje tha se për takimin e radhës me Kurtin vendosin personalisht ata dy. /Reporteri.net