Kryetari i LDK-së, Isa Mustafa, ka thënë se nuk ka pritur njohje reciproke nga takimi në Shtëpi të Bardhë ku u arrit Marrëveshja e Washingtonit.

“Nuk kam pritur që në Uashington do të marrim njohjen reciproke”, ka thënë ai.

“E di që ky është një proces më i gjatë dhe më i përpunuar pasi duhet të dimë çfarë do të vijë para marrëveshjes për njohje dhe çfarë pas. Në përgjithësi mendoj se marrëveshja është e mirë edhe në fushën e investimeve.“, shtoi ai në Pressing.

“Edhe ndërtimi i rrugëve është një qëndrim i joni të cilin e kemi pasur edhe më parë. Kjo vjen nga Procesi i Berlinit dhe kur të aderojmë në Bashkimin Evropian mund të kemi infrastrukturën e barabartë me vendet anëtare”, përfundoi ai.