Ministri në detyrë i ministrisë së Bujqësisë, Pylltarisë dhe Zhvillimit Rural, Besian Mustafa përmes një postimi në Facebook, u ka bërë thirrje bujqve që të mos pranojnë që zyrtarët e ministrisë t’ua plotësojnë aplikacionet.

Mustafa theksoi se kjo është bërë për ta parandaluar konfliktin e interesit dhe mundësinë e keqpërdorimeve, duke nxjerr një vendim që ndalon zyrtarët të marrin pjesë në përgatitjen e aplikacioneve.

“Për të ndaluar konfliktin e interesit dhe mundësitë e keqpërdorimeve si dhe për të rritur transparencën, mbrojtjen e të drejtave të bujqve dhe trajtimin e barabartë të tyre, kam nxjerrë sot vendim që u ndalon të gjithë zyrtarëve të MBPZhR-së në mënyrë të drejtpërdrejtë apo të tërthortë të marrin pjesë në përgatitjen e aplikacioneve, apo pjesëve të aplikacioneve, për bujqit që aplikojnë për grante dhe subvencione nga kjo ministri për vitin 2020”, shkruan Mustafa.

Madje, sipas tij është i pari vet ministri i cili e ka nënshkruar këtë deklaratë, nën betim për evitim të konfliktit të interesit.

“Të gjithë zyrtarët e MBPZhR-së, tash e tutje, janë të obliguar që të nënshkruajnë deklaratë nën betim për evitim të konfliktit të interesit dhe vet e kam nënshkruar i pari deklaratën”, bëri të ditur Mustafa në një postim në Facebook.

https://www.facebook.com/besianm/posts/10157223189468660?__xts__%5B0%5D=68.ARCSUf-ZODM05IBTWKrYg2Gmh0Cjds-EGNgjfZDmnag2gZjAUAdM3HdXnyg598rS1sbbFjP3dpCrjTbzFVXEnEvAihakJ7T02DoHuKjqhAI702Q2D-etpP8-lkRI-gwUu14VliG4zc42DkR6mJmj6BX1UdwRsN5COWCSjubLFTSACd85yaVf5YIthZe7WEpRzV00hbNID2TOqBYtYpkc3eKrHxp6y-3RESmc5yEdVqCEKs_m-OMnq51m13ERi71q6CWAlSod6AWUj6u2QiSMKuKYQ4YX6g&__tn__=-R