Deputeti nga LDK, Besian Mustafa ka reaguar pas lajmit se Festivali “Sunny Hill” që do të mbahej sivjet në Prishtinë, do të zhvendoset në Tiranë.

Mustafa e ka ndërlidhur këtë gjë me prirjet ideologjike të partisë në pushtet, që sipas tij, nuk e durojnë muzikën e Dua Lipës.

“O’ nuk e duron Marksizëm-Leninizmi muzikën e Dua Lipës! Nuk durojnë socialistët e shampanjës, komunistët e kaviarit, multi-milionerët e proletariatit, formë arti që nuk kontrollohet nga Shteti-Dado i tyre”, ka shkruar Mustafa.

Deputeti, duke folur për pushtetarët, ka thënë se ata njohin vetëm Revolucionin e Madh Kulturor Proletar të Mao Zedong.

“Hani buk’ e bunkera bre…”, ka shkruar ai.

Postimi i tij i plotë:

O’ nuk e duron Marksizëm-Leninizmi muzikën e Dua Lipës!

Nuk durojnë socialistët e shampanjës, komunistët e kaviarit, multi-milionerët e proletariatit, formë arti që nuk kontrollohet nga Shteti-Dado i tyre.

Këta njohin dhe ëndërrojnë vetëm Revolucionin e Madh Kulturor Proletar të Mao Cetungit.
Hani buk’ e bunkera bre…