Kreu i LDK-së, Isa Mustafa ka marrë përkrahjen për Qeverinë Hoti edhe nga forumi i gruas në Lidhjen Demokratike, që udhëhiqet nga deputetja, Lirije Kajtazi. 

Kështu ka bërë të ditur Mustafa në Facebook. Ai ka shkruar se Forumi i Gruas në LDK e përkrah plotësisht Qeverinë Hoti dhe forcimin e rrugës evropiane dhe euroatlantike.

“Me ftesë të zonjës Lirije Kajtazi, Kryetare e Forumit të Gruas të LDK-së dhe deputete e Kuvendit të Kosovës, sot kishim një takim shumë përmbajtësorë me veprimtaret e këtij Forumi. Roli i gruas ka qenë vendimtar në të gjitha fazat e shtetndërtimit tonë”, ka thënë ai.