Në Kuvend të Kosovës kanë arritur përfaqësuesit e LDK-së, të udhëhequr nga kreu i partisë, Isa Mustafa. Për pak minuta pritet që të nisë takimi me krerët e Lëvizjes Vetëvendosje

Para se të hynte në Kuvend, Mustafa i shoqëruar nga nënkryetarët e partisë, Vjosa Osmani e Agim Veliu ka folur shkurtimisht para mediave.

Ai ka thënë se janë duke u munduar që të arrijnë marrëveshjen.

“Po mundohemi me arritë marrëveshjen”, raportohet të ketë thënë Mustafa.

Ndërkohë, në LVV ka mbajtur një mbledhje mes Albin Kurtit me grupin punues, e cila sapo ka përfunduar dhe Kurti është nisur drejt kuvendit.

Takimi Kurti-Mustafa pritet që të nisë në ora 15:30.