Deputetja e VV-së, njëherit nënkryetare e Kuvendit nga kjo parti, Arbërie Nagavci ka reaguar pas lajmit se Sierra Lione e ka tërhequr njohjen ndaj shtetit të Kosovës, duke e kujtuar një deklaratë të Enver Hoxhajt të PDK-së.

Nagavci ka shkruar se Hoxhaj në seancën e djeshme të jashtëzakonshme për taksën duke folur për fushatën e njohjeve që Serbia është duke e bërë kundër Kosovës, e ka përmendur se ministri i Punëve të Jashtme të Serbisë, Ivica Daçiq ka shkuar në Sierra Lione.

Ajo ka kërkuar nga Hoxhaj që të sqarohet se nga ku i mori lajmet për këtë temë, dhe se cka janë duke diskutuar presidenti i Kosovës dhe Serbisë, shkruan Reporteri.net.

Postimi i saj:

Ne seancën e djeshme plenare, z. Enver Hoxhaj duke folur për fushatën e Serbisë kundër Kosovës, deklaroi se kanë informata se Daçiq ka shkuar në Sierra Lione.
Sot lexuam lajmin se ministri i jashtëm serb, Daçiq konfirmon se Sierra Leone ka tërhequr njohjen e Kosovës.

Pyetja është nga i mori lajmet Enver Hoxhaj? Çfarë po bisedon Thaçi me Vuçiqin? Për kënd punojnë këta njerëz, për çfarë agazhohen vërtetë?

https://www.facebook.com/anagavci/posts/10157350947324620