Ministrja e Arsimit, Shkencës dhe Teknologjisë, Arbërie Nagavci ka thënë se vitin e ardhshëm do të bëhet ritestimi i nxënësve në testin PISA.

Sipas Nagavcit, kjo nuk do të jetë aspak e lehtë, shkruan Gazeta Online Reporteri.net.

“Në vitin e ardhshëm do ta kemi ritestimin e nxënësve në PISA. Dhe kjo pastaj do të na jap një mundësi të referencës. Nuk do të jetë e lehtë sepse situata me pandeminë ka shkaktuar sfida të shumta dhe pas humbjes së njerëzve dhe goditjes që ka pasur në ekonomi, unë konsideroj se dëmi më i madh është bërë në arsim”, tha Nagavci në 21 Media. /Reporteri.net/