Ministrja e Drejtësisë, Albulena Haxhiu, ka bërë të ditur se në qendrat e paraburgimit në Kosovë për shkak se janë ndaluar vizitat e familjarëve me të burgosurit, kanë instaluar skype-n.

Për shkak se janë ndaluar vizitat, është instaluar skype në mënyrë që të burgosurëve të iu mundësohet komunikimi me familjarët e tyre, shkruan Reporteri.net

“Në secilën qendër korrektuese dhe të paraburgimit në vendin tonë është instaluar aplikacioni Skype për të zgjidhur çështjen e komunikimit dhe moscenimin e të drejtës së asnjë të burgosuri. Meqë për shkak të shëndetit të burgosurve kemi ndërprerë vizitat e familjarëve tashmë secili i burgosur ose në paraburgim mund të komunikojë përmes Skype me familjarët e tij. Bashkë do t’ja dalim”, ka shkruar Haxhiu.