Legjendën Fadil Vokrri, në katër vjetorin e vdekjes, e vizitoi tek varri Drejtori i Sportit në Komunën e Prishtinës, Granit Rugova.

Në shoqëri të tij ishte Uran Ismaili, i vetmi nga figurat politike të vendit që kreu homazhe për legjendën, që filluan me prezencën e familjes së ngushtë të Vokrrit në ora 10:30 në lagjen Arbëria të kryeqytetit.

Pas tyre erdhën futbollistët e Kombëtares së Kosovës, në krye me trajnerin e tyre Alain Giresse dhe Kryetarin e Federatës, Agim Ademi.

Edhe ky grup e nderoi me homazhe Fadil Vokrrin, ashtu sikurse ish bashkë lojtarët e tij tek gjenerata e artë e Prishtinës.

Më 9-të qershor të vitit 2018-të, Fadil Vokrri kishte ndërruar jetë pas sulmit në zemër.