Në mungesë të kourumit, Kuvendi i Kosovës ka ndërprerë seancën plenare, në të cilën ishin paraparë të shqyrtohen 20 pika të rendit të ditës.

“Meqë Kuvendi nuk i ka numrat këtu e ndërpremë seancën”, ka deklaruar kryetari i Kuvendit, Glauk Konjufca, raporton gazeta online Reporteri.net.

Ndërkaq, deputetët e Lëvizjes Vetëvendosje e kanë lëshuar sallën e Kuvendit, ku po mbahej seanca për shqyrtimin e 20 pikave të rendit të ditës.

Një gjë e tillë ka ndodhur derisa po shqyrtohej pika e parë, propozimi i gjashtë deputetëve nga Partia Demokratike e Kosovës, të cilët kërkuan shkarkimin e anëtarëve të Bordit të Radiotelevizionit të Kosovës.

/Reporteri.net/.