Kryetari i Prishtinës, Shpend Ahmeti, ka bërë të ditur se ka nënshkruar 6 kontrata të mirëmbajtjes së ndriçimit për të gjitha lagjet në kryeqytet.

Ahmeti përmes një postimi në llogarinë e tij në Facebook ka thënë se një gjë e tillë ka të bëjë me rrjetin ekzistues në kryeqytet.

“Edhe pse përgjegjësia nuk ishte komplet e jona, i kërkojmë falje qytetarëve për mosfunksionimin e rregullt dhe terrin e padëshiruar nga të gjithë ne”, shkroi Ahmeti.

Postimi i plotë i tij:

Më në fund, pas një procesi shumë të gjatë janë nënshkruar 6 kontratat e mirëmbajtjes së ndriçimit për çdo cep të komunës sonë. Kjo ka të bëjë me rrjetin ekzistues. Edhe pse përgjegjësia nuk ishte komplet e jona, i kërkojmë falje qytetarëve për mosfunksionimin e rregullt dhe terrin e padëshiruar nga të gjithë ne.