Komisioni Qendror i Zgjedhjeve ka njoftuar se procesi i numërimit të votave për kandidatë për deputetë ka përfunduar në 9 komuna, shkruan Reporteri.net.

KQZ thotë se sipas të dhënave të pranuara nga Qendrat Komunale të Numërimit (sipas tabelës) në të cilat është duke vazhduar procesi i numërimit të votave të kandidatëve apo ka përfunduar, deri më 14 shkurt 2025 janë numëruar 876 vendvotime nga 2,533.

“Procesi i numërimit të votave ka përfunduar në 9 Qendrat Komunale të Numërimit (QKN) në komunat: Novobërdë, Obiliq, Shtërpcë, Junik, Hani i Elezit, Partesh, Ranillug, Kllokot dhe Mitrovicë e Veriut”, njofton KQZ.

Aktualisht, procesi i numërimit është duke vazhduar në 25 Qendra Komunale të Numërimit.