Në Aeroportin e Prishtinës kanë arritur edhe 120 persona nga Turqia, të cilët janë pritur nga autoritetet e aeroportin, policia dhe stafi shëndetësor, ndërsa, pritet që së shpejti të nisen për Prishtinë.

Meqë një pjesë e tyre kanë qenë në Turqi për shkaqe shëndetësore, një pjesë e tyre do të vazhdojnë trajtimin në QKUK, një pjesë do të vendoset në karantinë në Qendrën Studentore dhe një pjesë do të vetëizolohen në shtëpi.

Njoftimin e ka dhënë ministri në detyrë i Infrastrukturës, Lumir Abdixhiku, shkruan Reporteri.net.

“Dje kthyem 76 qytetarë nga Zvicra. Në këto orë sapo i kthyem edhe 120 të tjerë nga Turqia. Nesër i kthejmë edhe 12 shtetas nga Çekia e Polonia. Shumica e të kthyerve sonte ishin në trajtim shërues jashtë vendit. Gjendja e tyre shëndetësore ishte alarm për gjithkë. Kthimi, ndërsa, është lehtësim i madh për të gjithë ne. Mirë se vini në shtëpi”, ka shkruar ai.