Presidenti i SHBA-ve, Donald Trump do të takohet sot me kryeministrin e Kosovës, Avdullah Hoti dhe presidentin serb, Aleksandar Vuçiq, shkruan Reporteri.

Sipas një njoftimi nga Shtëpia e Bardhë, Presidenti amerikan, Donald Trump do të jetë i pranishëm në momentin e nënshkrimit të marrëveshjes mes Kosovës e Serbisë dhe më pas do të ketë një takim trilateral me kryeministrin e Kosovës, Avdullah Hoti dhe presidentin e Serbisë, Aleksandar Vuçiq.

Sipas kohës lokale në Amerikë, Trump pritet që në 11:00 (ora 17:00 sipas kohës sonë lokale) të takojë Kryeministrin e Kosovës Avdullah Hotin dhe Presidentin e Serbisë, Aleksandër Vuciqin. Aty pritet të bëhet nënshkrimi i një marrëveshje ekonomike në mes të Kosovës e Serbisë.

Ndërkaq, në orën 11:15 njoftohet se do të ketë një takim trilateral të presidentit Trump me Hotin dhe Vuçiqin.

Palët më pas do të priten në takime të ndara nga Sekretari Amerikan i Shtetit, Mike Pompeo. /Reporteri.net