Pak para zgjedhjeve lokale në Kosovë, shefi i asamblistëve të Aleancës për Ardhmërinë e Kosovës në Gjakovë Muharrem Musa ka braktisur këtë parti dhe i është bashkuar Partisë Demokratike të Kosovës.

Lajmin e ka bërë të ditur Hajdar Beqaj, kryetar i degës së PDK-së në Gjakovë.

“Asambleisti i AAK-së ne Gjakovë i bashkohet PDK-së. Muharrem Musa, asambleist i deritanishëm i AAK-së në Kuvendin Komunal të Gjakovës, si dhe Kryetari i degë së AAK-së në Bec, sot edhe zyrtarisht ju bashkua Partisë Demokratike të Kosovës”, ka shkruar Beqaj.

Ai ka thënë se Musa do të jetë kandidat i PDK-së për Asamblenë Komunale të Gjakovës.

“Musa, tash e tutje aktivitetin e tij politik do ta vazhdoj në Partinë Demokratike të Kosovës ku do të jetë pjesë e listëa për asamblenë komunale të Gjakovës”, ka shtuar ai.