Policia e Kosovës ka njoftuar se gjatë ditës së djeshme në Prizren janë arrestuar dy shtetase të huaja në Kosovë, pas një zënke që kishin mes vete.

Sipas policisë, të dyshuarat nën ndikimin e alkoolit kishin filluar të rrahen mes vete.

Një person me shtetësi të huaj ka hasur të dyshuarat duke u konfrontuar fizikisht edhe ka tentuar që t’i ndajë, me ç’rast ka pësuar lëndime të lehta.

Lëndime të lehta ka pësuar edhe njëra prej të dyshuarave, të cilët kanë marrë tretman mjekësor.

Me vendim të prokurorit kujdestar dy të dyshuarat janë dërguar në mbajtje. /Reporteri.net