Shefi i grupit parlamentar të AAK-së, Besnik Tahiri ka ftuar deputetët e shumicës ta mbështesin Ligjin për Trustin që pritet të votohet nesër në Kuvendin e Kosovës.

Tahiri ka thënë se në këtë kohë krize, qytetarëve duhet t’i mundësohet të marrin një pjesë të kursimeve të tyre për t’i zgjidhur disa probleme jetike që i kanë në këtë gjendje të jashtëzakonshme.

Sipas tij, logjika e Qeverisë për të refuzuar çdo propozim të opozitës, është pazotësi dhe ikje e përgjegjësisë dhe mbi të gjitha është mungesë e guximit për të marrë një vendim.

“1. Ata që po mundohen të na tregojnë që Trusti është për pleqëri, e kanë shumë gabim, sepse kjo është e ditur. Ne, hallin e kemi se si këta njerëz të mbërrijnë pleqërinë në mungesë të dorës së shtetit në këtë situatë krize. Kontributdhënësit po i kërkojnë t’i marrin një pjesë të kursimeve të tyre për t’i zgjidhur disa probleme jetike që i kanë në këtë gjendje të jashtëzakonshme.

2. Logjika me i thënë jo secilit propozim të opozitës pa e dhënë asnjë arsyetim, është pazotësi, është ikje e përgjegjësisë dhe mbi të gjitha është mungesë e guximit për të marrë një vendim”, ka shkruar Tahiri.

Në fund, Tahiri i ka bërë thirrje të gjithë deputetëve që të votojnë Ligjin për Trustin.

Postimi i plotë i Tahirit: