Nesër bëhen tre vjet nga kur Astrit Dehari u gjend i vdekur në burgun e Prizrenit.

Për të kujtuar Astritin, Vetëvendosje nesër do të ketë disa aktivitete.

Do të bëjnë homazhe te varri i Astriti, do të mbahet marshi “Një popull për Drejtësi, do të ndezim qirinj dhe vendosim kurora lulesh nga ora 14:00, deri në orën 15:00, në burgun e Prizrenit, si dhe aktivitete tjera, shkruan Reporteri.net.

Postimi VV-së:

Agjenda, për 5 nëntor, në tre vjetorin e vrasjes së aktivistit Astrit Dehari:

09:00 – Homazhe te varri i Astritit

10:00 – Drejtoritë e Shëndetësisë ne Prizren, Mitrovice dhe Vushtrri, ofrojnë shërbime mjekësore te familjet e varfëra për nder të përvjetorit të Astrit Deharit.

12:00 – Marshi ‘’Një popull për Drejtësi’’

14:00 – Në Prizren mbahet aktivitet përkujtimor te murali i aktivistit Astrit Deharit, te ndërtesa e Drejtorisë së Financave. Do të ndezim qirinj dhe vendosim kurora lulesh nga ora 14:00, deri në orën 15:00, në kohën kur edhe ka ndodhur vrasja e Astritit në burgun e Prizrenit.

14:00 – Dhurimi i gjakut – Në selinë qendrore të Lëvizjes VETËVENDOSJE! (rr.Kasëm Haxhimurati, Prishtinë), vendoset një ekip mobil i transfuzionit të gjakut, për te gjithë ata/ato që janë të interesuar të dhurojnë gjak në menyrë vullnetare, si shenjë solidarizimi për këtë ditë përkujtimore. /Reporteri.net/.