Kryeministri i Kosovës, Albin Kurti ka marrë pjesë në Forumin e Prespës që është mbajtur në Ohër Maqedonisë së Veriut.

Kurti ka thënë se gjatë fjalimit të tij ka bërë një propozim, ku ka sugjeruar bashkëveprimin e Uashingtonit dhe Brukselit në Ballkanin Perëndimor.

“Për të rinovuar aleancën tonë transatlantike, unë sugjerova bashkëveprimin e Washingtonit dhe Brukselit në Ballkanin Perëndimor ndërsa ne punojmë për tre qëllime.

1. Demokratizimi duke forcuar sundimin e ligjit.

2. Siguria përmes anëtarësimit në NATO.

3. Uniteti i Evropës përmes anëtarësimit të Ballkanit Perëndimor në Bashkimin Evropian“, shkruan Kurti në llogarinë e tij zyrtare në Twitter.

Kryeministri gjithashtu në fjalimin e tij ka kritikuar Bashkimin Evropian për mos liberalizimin e vizave për Kosovës, duke shtuar se kanë mungesë të unitetit rreth kësaj çështje. Po ashtu, ai ka pohuar se Kosova e refuzon ashpër “Mini Shengenin” dhe se rajoni duhet t’i kthehet agjendës së Bashkimit Evropian.

At the #PrespaForumDialogue I said Kosova understands the frustration of ??&?? on accession talks. But we cannot turn our backs on the #EU because it is our future home as Europeans. Instead of pushing bad ideas such as the Mini-Schengen, we need to democratize our countries. pic.twitter.com/nUuJ3FYnjc

— Albin Kurti (@albinkurti) July 2, 2021