Edhe tri viktima të reja nga koronavirusi janë shënuar në Kosovë. Dy nga ta vijnë nga komuna e Prizrenit dhe një nga Rahoveci.

Kjo është bërë e ditur sot me anë të një njoftimi për media nga QKUK.

Në njoftim bëhet e ditur se pacientja H.B, 62 vjeç nga Prizreni ka ndërruar jetë dje në Klinikën Infektive.

Po ashtu pacienti, A.M, 59 vjeç nga Rahoveci ka ndërruar jetë sot në orët e para të mëngjesit.

Të dy të lartpërmendurit, përveç COVID-19 kishin edhe sëmundje tjera shoqëruese.

Ndërkaq, sot në orën 10:30 ka ndërruar jetë 61 vjeçari nga Prizreni, H.K, në Klinikën Intensive të Qendrës së Mjekësisë Sportive, i cili ishte transferuar nga Klinika e Pulmologjisë.

Deri tani, në Kosovë janë konfirmuar 44 viktima nga COVID-19.